Лос-Анжелес – Токио рейси бортдаги «қуён» туфайли ортга қайтди

Токиодан Лос-Анжелесга учиб кетаётган самолёт парвознинг қоқ ярмида ортга бурилди ва парвоз қилган аэропортига қайтди. Бу экипаж йўловчилардан бири рейсларни адаштириб юборганини аниқлаганидан сўнг рўй берди, деб хабар қилмоқда Американинг KTLA канали.

Япониянинг All Nippon Airways’сининг NH175 рейси Лос-Анжелесдан соат 11.30да парвоз қилган ва орадан тўрт соат ўтиб ортга бурилди, ҳамда учиб кетган аэропортига соат 21.30да келиб қўнди. Икки шаҳар ўртасидаги парвоз давомийлиги одатда 11 соату 28 дақиқани ташкил этади.

Адашиб қолган йўловчи аслида қаерга учиб кетиши лозим бўлгани ҳақида хабарлар йўқ.

Лос-Анжелес полицияси қўниш чоғига тайёр ҳолда турган, ФТБ эса йўловчилар билан суҳбат олиб борди. Бортда ҳаммаси бўлиб 150 киши бўлган.

Авиакомпания йўловчилардан узр сўради, ҳодисани текшириш ишлари давом этмоқда.