Криштиану Роналду инстаграмга ўзининг барча шахсий совринлари билан бирга тушган суратини намойиш этди. У ўзининг она ватани Мадейрада суратга тушган. Роналду фото остида ёзув қолдирган:
«Мадейра кўчаларида тўп сурар эканман, мен топ-футболчи бўлиш ҳақида орзу қилардим, аммо кун келиб бундай фотоим бўлишини тасаввур қила олмасдим. Бу лаҳзани оиламга, дўстларимга, мен билан жамоадош бўлган футболчилар ва мураббийларга бағишлайман.
Мухлисларимга эса алоҳида миннатдорчилик билдираман. Бу сизнинг совринларингиз», – дея ёзган Криштиану.
Роналду – «Олтин тўп»нинг 5 карра соҳиби, 4 марта «Олтин бутса» олган, 3 марта УЕФА томонидан Европанинг энг яхши футболчиси сифатида тақдирланган.
