Фото: Видеодан кадр
АҚШнинг Мичиган штатига тушган метеорит 2 магнитудали зилзила келтириб чиқарди. Бу ҳақда The Weather Network маълум қилди.
Метеоритнинг ерга тушиши осмонда ёрқин чақноқ ва гумбурлаган овоз билан кечган.
АҚШ метеорологик хизмати метеорит Детройтдан 65 км узоқликда жойлашган Нью-Хейвен шаҳри яқинига тушганини тасдиқлаган.
АҚШнинг метеоритларни ўрганиш жамияти маълумотларига кўра, АҚШнинг 6 та штати ва Канаданинг баъзи ҳудудлари аҳолиси метеорит тушишининг гувоҳи бўлганлар.
НАСА Мичиганга тушган метеоритни ўрганаётганини маълум қилган. Коинот агентлиги бундай ҳодисалар жуда кам юз беришини ва у штат учун “улкан воқеа” бўлганини айтган.
