Хитой мегаполислари аҳолиси 40 йил ичида биринчи марта камайди

Хитойнинг Шанҳай ва Пекин шаҳридаги аҳоли сони 1978 йилдан бери биринчи марта қисқарди. Бу ҳақда маҳаллий ОАВ хабар бермоқда.

ХХР Миллий статистика бюроси маълумотларига кўра, 2017 йилда Пекин аҳолиси сони 22 мингга (0,1%) қисқариб, 21,7 млн кишини ташкил этди. Шанҳай аҳолиси эса 13,7 мингга камайди ва 24,18 млн кишига тенг бўлди.

ОАВ маълумотига кўра, аҳоли сонининг қисқариши қишлоқ туманлардан миграция секинлашиши, меҳнатга лаёқатли ёшдаги одамлар миқдорининг камайиши, шунингдек, мегаполислар мигрантлар учун жозибадорликни йўқотиб бораётгани билан боғлиқ.