Ўзбекистон ва Қирғизистон чегара бўйича навбатдаги учрашувни ўтказди 

2018 йилнинг 21 январь куни Ўзбекистон - Қирғизистон давлат чегарасини делимитация ва демаркация қилиш масалалари бўйича Ўзбекистон Республикаси ва Қирғизистон Республикаси ҳукумат делегациялари ишчи гуруҳларининг Ўш шаҳрида тўрт кун давом этган навбатдаги учрашуви якунланди. 

Ташқи ишлар вазирлиги ахборот хизмати тарқатган хабарга кўра, музокараларда Ўзбекистон - Қирғизистон давлат чегарасидаги қолган участкаларни тавсифлаш бўйича иш давом эттирилган.

Таъкидланишича, учрашув дўстлик ва яхши қўшничилик руҳида ўтган.