Хитой амалдаги халқаро муносабатлар тизими бўйича баёнот берди

Хитой амалдаги халқаро муносабатлар тизимини қўллаб-қувватлашда давом этади, унинг асосида БМТ турибди. Бу ҳақда ХХР ташқи ишлар вазири Ван И маълум қилди.

«Биз асоси БМТда бўлган амалдаги халқаро тизимни қатъий қўллаб-қувватлашда давом этамиз, шунингдек, ривожланаётган мамлакатлар қонуний ҳуқуқлари ҳамда манфаатларини ҳимоя қилиб, кенгайтирамиз», - дея дипломатнинг сўзларини келтиради «Синьхуа» агентлиги.

Унинг қўшимча қилишича, Пекин халқаро майдонда барқарорлик ва тартибни қўллаб-қувватлашга йўналтирилган ҳаракатларини давом эттиради.

Эслатиб ўтамиз, аввалроқ АҚШ Марказий разведка бошқармаси раҳбари Майк Помпео Хитойнинг Ғарбга яширин тарзда таъсир кўрсатишга уриниши, худди Россиянинг «қўпорувчилик фаолияти» каби муҳим нарса эканини маълум қилганди.