Қўшимча функционаллар
-
Тунги кўриниш
Рим папаси Эрдўған билан учрашди ва унга совға берди
Фото: Anadolu
Рим папаси Франциск Ватиканда Туркия президенти Ражаб Тоййиб Эрдўғанни қабул қилди. Бу ҳақда Reuters хабар бермоқда.
Эрдўған понтифик билан суҳбатдан аввал Яқин Шарқ ҳамда Ал-Қудс билан боғлиқ вазиятни муҳокама қилиш истагида эканини маълум қилди.
Агентликнинг таъкидлашича, Франциск ва Эрдўған тахминан 50 дақиқа яккама-якка суҳбатлашган. Рим папаси музокаралардан сўнг Туркия президентига фаришта ва аждаҳо тасвирланган бронза медальонни ҳадя қилди.
«Бу тинчлик фариштаси, у уруш иблисини бўғмоқда. Бу тартиб ва адолат асосига қурилаётган тинчлик тимсоли», - дея айтиб ўтди Франциск.
Эрдўғаннинг Ватиканга ташрифи кичик норозилик акцияси билан кечди, унда курдлар ва уларнинг тарафдорлари иштирок этди. Полиция тартибсизликларга йўл қўймаслик учун Туркия етакчиси борадиган жойларни ўраб олди.
