Назоратдан четда қолган коллеж ўқувчилари жиноят содир этишди

Самарқанд шаҳрида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 30 январь куни соат 23:40ларда Самарқанд шаҳрида 2 номаълум шахс Жарариқ кўчаси 8-уй олдида Фарғона туманида яшовчи, 1995 йилда туғилган. О.З.ни куч ишлатиш йўли билан қўрқитиб, “МI-4Х” русумли мобиль телефонини тортиб олиб кетганлар.

Кўрилган чоралар натижасида ушбу жиноятни Каттақўрғон тумани Чўянчи маҳалласида яшовчи, Каттақўрғон туманидаги қишлоқ хўжалиги касб-ҳунар коллежининг 2-босқич ўқувчиси, 2001 йилда туғилган Ш.Т. ва Хаваш маҳалласида яшовчи, Самарқанд шаҳридаги Транспорт ва коммунал касб-ҳунар коллежи 3-босқич ўқувчиси, 2000 йилда туғилган Х.Э.лар содир этганликлари аниқланиб ушланганлар.