Трамп Мэй билан КХДР ҳақида гаплашди

Фото: Reuters/Thierry Charlier

АҚШ президенти Дональд Трамп Британия бош вазири Тереза Мэй билан телефон орқали мулоқот ўтказди. Бу ҳақда Оқ уй хабарида айтилади.

«Бош вазир Мэй президент Трампга яқинда Хитойга амалга оширган ташрифи ҳақида айтиб берди. Етакчилар барча манфаатдор давлатлар Шимолий Кореяга босимни кучайтириши лозимлигига қўшилишди. Бу ушбу мамлакат ядро қуролидан холи бўлмагунча давом этиши керак», - дейилади хабарда.

Шунингдек, Трамп ва Мэй ҳуқуқни муҳофаза қилувчи органларнинг ўзаро алоқаларини йўлга қўйишда ёрдам бериши мумкин бўлган маълумотни алмашиш бўйича келишувни муҳокама этган.

Тайёрлаган: Отабек Матназаров

#Дональд Трамп #КХДР #Тереза Мэй