Фото: Reuters
Миср армияси Синай шимолида 12 нафар жангарини йўқ қилди. Бу ҳақда Reuters давлат телевидениесидаги баёнотга таянган ҳолда хабар бермоқда.
Шунингдек, 92 нафар жангари асирга олинган. Бундан ташқари, Миср ҳарбий-ҳаво кучлари авиазарбалар вақтида экстремистларнинг 60 га яқин объектларини йўқ қилган.
Эслатиб ўтамиз, ўтган йилнинг декабрь ойи охирларида Миср ҳукумати 2013 йилда Синайда амалга оширилган ҳужум учун қамалган 15 жангарини қатл этганди.
