АҚШ барча давлатларни Шимолий Корея билан алоқалардан воз кечишга чақирди

АҚШ барча давлатларни Шимолий Корея билан алоқалардан воз кечишга, савдо алоқаларини узишга, маҳсулотлар етказиб беришни тўхтатишга чақиради. Бу ҳақда АҚШ президентининг миллий хавфсизлик масалалари бўйича ёрдамчиси Герберт Макмастер хавфсизлик бўйича Мюнхен анжуманида айтиб ўтди.

“Ким Чен Ин тузумига бу шафқатсиз диктатура дунёга вайронкор қурол билан таҳдид қилмаслиги учун ихтиёримизда бўлган барча имкони бор воситалар билан босим ўтказишимиз лозим, мисол учун, савдо, ҳарбий ва бошқа алоқаларни чеклаш, давлатларимиздан шимолий кореялик меҳнат муҳожирларини чиқариб юбориш билан”, деб айтган Макмастер ва бундай қадамларни амалга оширмайдиган давлатлар масъулиятсиз ҳаракат қилишларини қўшимча қилган.