«Манчестер Сити» ҳужумчиси Серхио Агуэро «Уиган»га қарши Англия кубоги 1/8 финалидан ўрин олган учрашув (0:1) вақтида мезбонлар мухлисларидан бири билан жанжаллашиб кетди.
Ҳакам ҳуштаги янграб, «Уиган» ғалабасини тасдиқлагандан сўнг, стадиондаги мухлислар жамоа билан муваффақиятни нишонлаш учун стадионга тушиб кетишди. Улардан бири Агуэрога туртилиб кетди ва унга қарата тупурди. Бундан жаҳли чиққан «Манчестер Сити» ҳужумчиси унга ташланишга ҳаракат қилди.
Воқеа жойида бўлган мураббий ва футболчилар Агуэрони тўхтатиб қолишга муваффақ бўлишди.
