Ким Чен Иннинг синглиси фарзанд кутаётгани маълум қилинди

Фото: Reuters

КХДР етакчиси Ким Чен Иннинг синглиси Ким Ё Чжон фарзанд кутмоқда. Корея Меҳнат партияси Марказий қўмитасига аъзо бўлган Ё Чжон ҳомиладор экани ҳақида Япониянинг «Иомиури» газетаси Пёнгчангдаги олимпиадага ташриф буюрган КХДР делегациясидаги вакиллардан бирига асосан хабар берди.

Аввалроқ Ким Ё Чжон ҳомиладор экани ҳақида «Рёнхап» агентлиги ўз манбаларига таянган ҳолда хабар тарқатганди.

Аввалроқ Шимолий Кореянинг расмий раҳбари Ким Ён Нам ва мамлакат етакчиси Ким Чен Иннинг синглиси Ким Ё Чжон бошчилигидаги делегация Жанубий Кореяга ташрифини якунлагани ва ортга қайтиб кетгани хабар берилганди. Делегация Жанубий Корея президенти Мун Чжэ Ин ва бош вазир Ли Нак Ён билан музокаралар ўтказган.

Тайёрлаган: Отабек Матназаров

#КХДР #Ким Чен Ин #Ким Ё Чжон