Фото: Юнусободда Cobalt билан тўқнашган Nexia симёғочга бориб урилди

4 март куни Тошкент шаҳрининг Юнусобод туманида Nexia ва Cobalt машиналари тўқнашди. Бу ҳақда Тошкент шаҳар ИИББ маълумот берди.

Тўқнашув 4 мартга ўтар кечаси соат 00:15 атрофида, Юнусобод туманининг Шароф Рашидов кўчасидаги «Транстехбутлаш» МЧЖ қаршисида рўй берган.

«4 март куни тунги соат 00:15 ларда Юнусобод тумани Шароф Рашидов кўчасидаги «Транстехбутлаш» МЧЖ қаршисида 1995 йилда туғилган ҳайдовчи Nexia автомашинасини бошқариб кетаётиб, 1995 йилда туғилган эркак бошқарувидаги Cobalt автомашинаси билан тўқнашув содир этган», — дейилади хабарда.

Бахтли тасодиф туфайли иккала автомобил ҳайдовчилари ва йўловчилари омон қолган. Улар турли даражадаги тан жароҳатлари билан 7-сонли касалхонага жойлаштирилган.