Ўзбекистонлик каратэчилар халқаро турнирда совриндор бўлишди

Фото: O'zbekiston Milliy Olimpiya Qo'mitasi

2-4 март кунлари Австриянинг Зальцбург шаҳрида каратэ бўйича А серия тоифасидаги мусобақа ўтказилди. Бу ҳақда МОҚ расмий сайти хабар тарқатди.

Эътиборли томони, ушбу мусобақада ўзбекистонлик спортчилар иштирок этиб, совриндорлар қаторидан ўрин эгаллашга муваффақ бўлди.

Кумите баҳсларида -60 кг вазн тоифасида мусобақада иштирок этган Садриддин Сайматов барча рақибларини мағлубиятга учратиб, олтин медаль соҳибига айланган бўлса, -67 кг вaзн тоифасида баҳсларда иштирок этган Иқболжон Узоқов ҳам финалгача етиб борди. Ҳал қилувчи жангда у япониялик рақибга ютқазиб қўйди ва мусобақанинг кумуш медали билан кифояланди.

Қизлар ўртасида -50кг вазн тоифасидаги турнирда иштирок этган Баҳринисо Бабаева бронза медали ортга қайтадиган бўлди.

Тайёрлаган: Azamat Murodov

#каратэ