Германия: Евроиттифоқ Трамп устидан ЖСТга шикоят билан чиқиши керак

Фото: Reuters

ГФР иқтисодиёт ва энергетика вазири Бригитте Циприс АҚШ президенти Дональд Трампнинг пўлат ҳамда алюминийга бож жорий этиш борасидаги режаларига қатъий жавоб қайтаришга чақирди. Бу ҳақда «Интерфакс» хабар бермоқда.

«Ўйлашимча, биз, Евроиттифоқ сифатида, бунга жавоб қайтаришимиз лозим, сабаби бу ЕИга тўғридан тўғри алоқадор нарса», - дея айтиб ўтди Циприс.

Унинг сўзларига кўра, «нима бўлган тақдирда ҳам, Европа Жаҳон савдо ташкилотига АҚШ устидан шикоят юбориши лозим».

Эслатиб ўтамиз, аввалроқ Франция ташқи ишлар вазири Жан-Ив Ле Дриан Евроиттифоқни АҚШнинг пўлат ва алюминийга бож жорий этиш бўйича режаларига нисбатан қатъийлик кўрсатишга чақирганди.

Тайёрлаган: Отабек Матназаров

#Дональд Трамп #Германия #Евроиттифоқ #ЖСТ