Бортида Иванка Трамп бўлган вертолётнинг двигатели ишдан чиқди

Фото: Kevin Lamarque/Reuters/REUTERS

АҚШ президенти Дональд Трампнинг қизи Иванка ва унинг турмуш ўртоғи Жаред Кушнер бортида бўлган вертолёт двигатели ишдан чиққани туфайли аэропортга қайтишга мажбур бўлди. Бу ҳақда CNN телекананали куч тузилмалардаги ўз манбаларига асосан хабар қилмоқда.

Таъкидланишича, Иванка Трамп ва Кушнер Вашингтондан Нью-Йоркка икки моторли вертолётда йўл олишмоқчи бўлган, кейинчалик двигателлардан бири ишдан чиққан.

Манбалар жуфтлик Нью-Йоркка охири қандай йўл билан етиб боргани, ҳамда нега улар аввалбошдан самолётда эмас, балки вертолётда кетишмоқчи бўлишганини хабар қилишмаган.

Тайёрлаган: Отабек Матназаров

#вертолёт #Иванка Трамп