Роналду Пересга ёзги трансферлар бўйича маслаҳат берди

Фото: Real Madrid

«Реал» ҳужумчиси Криштиану Роналду клуб президенти Флорентино Пересга ёзги трансферлар бўйича маслаҳат берди, деб ёзади Tribalfootball.

Хусусан, португалиялик «Тоттенҳэм» ҳужумчиси Ҳарри Кейн ва «Бавария» тўпурари Роберт Левандовскини Мадридга келишига қарши эканини айтган. 33 ёшли Роналду яқин йиллар ичида «Реал» ҳужумчиси сифатида юқори савияда тўп суришга қодир эканини билдирган.

Бундан ташқари, футболчи Пересдан Пауло Дибала («Ювентус»), Гонсало Гуедеш («Валенсия») ва Эден Азар («Челси») трансферларига эътибор қаратиш лозимлигини тавсия қилган.

#Криштиану Роналду #Реал Мадрид #Флорентино Перес