Трамп наркофурушларни қатл этишни таклиф қилди

Фото: Evan Vucci/AP

АҚШ президенти Дональд Трамп гиёҳванд моддалар савдоси учун ўлим жазоси жорий этишни таклиф қилди, деб хабар бермоқда Associated Press.

Агентликнинг таъкидлашича, Трамп узоқ вақт давомида ўйлаб юрган нарсасини биринчи марта очиқ айтди: агарда жиноятчи бир ёки бир неча кишини ўлдиргани учун қатл қилиниши мумкин бўлса, унда бундай жазо фаолияти кўплаб инсонларнинг ўлимига олиб келувчи наркофурушлар учун ҳам қўлланилиши керак.

«Гап жуда мураккаб муаммога ечим топиш ҳақида кетяпти, ҳамда агарда биз наркофурушларга қаттиқ турмасак, бу рўй бермайди... Мен бу жангда ғалаба қозонмоқчиман», - дея маълум қилди Трамп.

Тайёрлаган: Отабек Матназаров

#Дональд Трамп #қатл #Наркофуруш