Украина Қатар билан газ бўйича келишиб олди

Фото: lngexports

Украина президенти Пётр Порошенконинг маълум қилишича, Қатар Украинага суюлтирилган газ етказиб беришга тайёр. Бу ҳақда Порошенконинг матбуот хизмати хабар бермоқда.

«Биз Қатар бизга суюлтирилган газ тақдим этишга тайёр эканига келишиб олдик», - дея айтиб ўтди Порошенко.

Шунингдек унинг таъкидлашича, Қатар суюлтирилган газини етказиб бериш фақат Польшадаги терминал, шунингдек, Босфор орқали турк йўналиши орқали амалга ошиши мумкин.

Порошенконинг сўзларига кўра, бу иш амалга ошадиган бўлса, «мамлакат энергетик хавфсизлигини ошириш бўйича ноёб имкониятлар юзага келади».

Тайёрлаган: Отабек Матназаров

#Украина #газ #Қатар