Россия тергов қўмитаси Кемероводаги “Зимняя вишня” савдо марказида юз берган ёнғин бўйича қўлга олинган 5 кишига айбловлар эълон қилди. Бу ҳақда тергов қўмитасининг расмий вакили Светлана Петренко маълум қилди.
“Тергов қўмитаси фожиага алоқадор бўлган барча шахсларни аниқлашни давом эттирмоқда”, деб айтган Петренко.
Аввалроқ ёнғин бўйича 5 киши: савдо марказига эгалик қилган компания техник директори, ёнғин чиққан хонани ижарага олган шахс, сигнализацияга хизмат кўрсатган ташкилот ходими ва раҳбари, огоҳлантириш тизимини ўчириб қўйган қўриқчи сўроқ қилинаётгани маълум қилинганди.
25 март куни юз берган ёнғинда 64 киши ҳалок бўлди. Шифохоналарда 13 киши қолмоқда.
Воқеа жойида Москвадан келган тажрибали криминалистлар иш олиб бормоқда. Фожиа сабабларини аниқлашга тергов қўмитаси раҳбари Александр Бастрикин бошчилик қилмоқда.
28 март Россияда ёнғин қурбонлари хотирасига мотам куни деб эълон қилинди.
