Самарқанд вилоятида 6 оёқли бузоқча туғилди

Самарқанд вилоятининг Жомбой туманида 6 оёқли бузоқ туғилди. Ноодатий бузоқчанинг суратини Facebook’да маҳаллий журналист Исомиддин Пўлатов жойлаштирди. Ертешар қишлоғида яшовчи фермер Ҳусниддин Хўжаевнинг айтишича, бузоқча 20 мартда туғилган. У ҳозирча мустақил юра олмаяпти ва сунъий йўл билан озиқлантирилмоқда. Шу билан бирга бузоқчанинг ҳолати қониқарли деб баҳоланмоқда.

Бу ортиқча оёқ билан туғилган биринчи бузоқча эмас: 2014 йилда Жиззах вилоятида 5 оёқли, ундан олдинроқ Навоий вилоятида ҳам 6 оёқли бузоқча туғилган.