АҚШнинг 3-президенти ҳайкали безорилар томонидан таҳқирланди

АҚШда номаълум кимсалар томонидан АҚШнинг 3-президенти Томас Жефферсоннинг ҳайкали таҳқирланди. Бу ҳақда The Cavalier Daily нашри хабар бермоқда.

Вандаллар Жефферсон томонидан асос солинган Виргиния университетида унга қўйилган ҳайкал пойдеворига қизил рангда “Ирқчи ва зўравон” деган сўзларни ёзиб кетишган.

Нашрнинг фикрича, вандаллар шу тариқа АҚШ давлати асосчилари ва конституцияси муаллифларидан бири бўлган Жефферсон қулдор бўлгани ва Виргиния университетини барпо этишда қуллар меҳнатидан фойдаланганини эслатиб қўймоқчи бўлишган.