© EPA-EFE/FRANCK ROBICHON
«Формула-1» бўйича «Ред Булл» жамоаси аъзоси, австралиялик пилот Даниэль Риккьярдо Хитойдаги Гран-присида биринчи ўринни эгаллади.
Турнирда маррага иккинчи бўлиб «Мерседес» аъзоси финляндиялик Валттери Боттас етиб келган, унинг ватандоши, «Феррари» автопойгачиси Кими Райкконен учинчи ўринни эгаллаган.
3 босқичдан кейин «Формула-1» пойгаларида умумий ҳисобда «Феррари» пилоти Себастьян Феттель биринчи ўринда, у Хитойдаги Гран-Прида саккизинчи бўлди, аммо унинг жами очколари сони 54та, иккинчи ўринда Ҳэмилтон (45), учинчи ўринда - Боттас (40) кетмоқда.
Кейинги босқич 27-29 апрель кунлари Озарбойжонда бўлиб ўтади.
