Фото: Muhammad Hamed/Reuters
Евроиттифоқ Сурия мухолифатини Женевадаги музокараларда дастлабки шартларсиз иштирок этишга кўндирди. Бу ҳақда РИА «Новости» Бельгия ТИВ раҳбари Дидье Рейндерсга асосан хабар бермоқда.
«Мухолифат Женевага келишга тайёр. Европа иттифоқи мухолифатни дастлабки шартларсиз келишга, музокараларга рози бўлишга кўндириб, ўз ишини бажарди. Сурия режими ҳокимиятни бўлишишга рози бўлиши керак, бунда барча манфаатдор томонлар ҳокимиятда ўз вакилига эга бўлиши лозим», - дея маълум қилди Рейндерс.
Унинг қўшимча қилишича, бунинг учун режим иттифоқчилари бўлган Эрон ва Россияга босим ўтказиш шарт.
Эслатиб ўтамиз, аввалроқ Трамп Сурияда Россия қўшинлари билан юз берган «қаттиқ тўқнашув» ҳақида айтганди.
