Евроиттифоқ раҳбарияти Трампга таклиф билан чиқмоқчи

Фото: Fabrizio Bensch/Reuters

Евроиттифоқ раҳбарияти АҚШ президенти Дональд Трампга Америка автомобилларига божларни пасайтириш бўйича савдо битимини таклиф этишни режалаштирмоқда, бу пўлат ва алюминийга божлардан қочиш учун қилиняпти. Бу ҳақда The Wall Street Journal манбаларга асосан хабар берди.

Нашр маълумотларига кўра, бу битим АҚШнинг Америкада ишлаб чиқарилган ва Европа бозорига кириб бораётган автомобиллар, эҳтиёт қисмлари ҳамда саноат ускуналарига божларни пасайтириш бўйича асосий талабини қондиради.

Таъкидланишича, ЕИ бунинг эвазига Европа компанияларининг АҚШ давлат буюртмаларига киришини сўрайди. Шу билан бирга, битимда Евроиттифоқ АҚШга Жаҳон савдо ташкилотида Хитойга қарши туришда ёрдам кўрсатиши келишиб олинади.

Манбалар сўзларига кўра, бундай ташаббус Германия томонидан таклиф этилди, у АҚШ билан савдо уруши кескинлашса, энг катта йўқотишларга учраши мумкин.

Тайёрлаган: Отабек Матназаров

#Дональд Трамп #Евроиттифоқ #бож