Таэквон-до бўйича Ўзбекистон чемпионати бўлиб ўтди

Президент Шавкат Мирзиёев томонидан спортга, айниқса, болалар ва ўсмирлар спортига ниҳоятда катта аҳамият берилмокда. Шу муносабат билан жорий йилнинг 21-22 апрель кунлари Тошкент шаҳридаги “ЖАР” спорт мажмуасида Ўзбекистон Республикаси Жисмоний тарбия ва спорт вазирлиги ва Ўзбекистон Таэквон-до ITF Миллий Ассоциацияси раҳбарлигида ёшлар ва ўсмирлар ўртасида Таэквон-до ITF спорт тури бўйича Ўзбекистон чемпионати бўлиб ўтди. Бу ҳақда Ассоциация раҳбари Л.Хасанов KUN.UZ’га маълум қилмоқда.

Кураш майдонида ғолибликни қўлга киритган спортчилар Осиё ва Жаҳон чемпионатларига йўлланма олишди. Бу анжуманда республиканинг барча вилоят спортчилари қатнашиб, яна бир бор ўз маҳоратларини кўрсатишди.

Ўзбекистон чемпионатида умумжамоа ўринлар қуйидагича тақсимланди: 1-ўрин Тошкент шаҳри, 2-ўрин Бухоро вилояти, 3-ўрин Самарқанд вилояти, 4-ўрин эса Сирдарё вилояти спортчиларига берилди.