АҚШ президенти Дональд Трамп Исроилга ташриф буюриб, АҚШнинг Ал-Қудсдаги элчихонаси очилишида иштирок этиш имкониятини кўриб чиқаётганини айтди.
“Мен боришим мумкин. Элчихона яқинда очилади”, деб айтган Трамп Германия канцлери Ангела Меркель билан биргаликда берган матбуот анжуманда.
Трамп АҚШнинг Тель-Авивдаги элчихонасининг Ал-Қудсга кўчирилишига кўплаб америкалик президентлар ваъда қилгани, бироқ бу ваъдалар амалга оширилмаганини эслатиб ўтган.
Исроил томонининг маълум қилишича, АҚШ президентининг куёви ва маслаҳатчиси Жаред Кушнер молия вазири Стивен Мнучин билан бирга 14 майда АҚШнинг Ал-Қудсдаги элчихонаси тантанали очилишига келишини маълум қилган.
Элчихона Исроил ташкил топганининг 70 йиллиги куни – 14 майда кўчирилиши кутилмоқда.
БМТнинг 1980 йилдаги резолюцияси Исроилни бутун Ал-Қудсга пойтахт мақоми берилиши қонунини қабул қилгани учун қоралайди ва Тель-Авивни шаҳардан барча дипломатик миссияларини олиб чиқишга чақиради.
