Сергели туманида ўз ота-онасини пичоқлаган шахс қўлга олинди

Шу йилнинг 28 апрель куни Тошкент шаҳрининг Сергели тумани Спутник даҳасида яшовчи 1981 йилда туғилган М.М. оилавий жанжал оқибатида, ўз отаси Б.М.нинг қорин қисмига ҳамда онаси К.М.ни кўкрак ва қорин қисмига пичоқ билан уриб жароҳат етказган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Натижада ота ва она олган тан жароҳатлари натижасида касалхонага ётқизилган. 

Оқпадар фарзанд эса қўлга олиниб, унга нисбатан Ўзбекистон Республикаси Жиноят кодексининг 104-моддаси 1-қисми билан жиноят иши қўзғатилиб, тергов ҳаракатлари олиб борилмоқда.