Порошенко МДҲ идораларидан Украина вакилларини чақиртириб олмоқчи

Фото: РИА Новости / Михаил Маркив

Украина президенти Пётр Порошенко ташқи ишлар вазирлигига Мустақил Давлатлар Ҳамдўстлиги мувофиқлаштирувчи идораларидан Украина вакилларини чақиртириб олиш таклифини тайёрлашни буюрди.

Аввалроқ Порошенко МДҲ таъсис идораларидан Украинанинг расмий чиқиши жараёнини бошлашни ва Украинанинг Минскдаги тегишли институтлардаги ваколатхоналарини “батамом ёпишни” буюрганди.

Украина миллий хавфсизлик ва мудофаа кенгаши Киевнинг МДҲ фаолиятидаги иштирокини якунлаш таклифини қўллаб-қувватлади.

Тайёрлаган: Шуҳрат Раҳимов

#Украина #МДҲ