Ҳиндистондаги автоҳалокатда 14 киши ҳаётдан кўз юмди

Фото: Global Look Press /Ronald Patrick

Ҳиндистонда йўловчиларни олиб кетаётган автофургоннинг автоцистерна билан катта тезликда тўқнашиши оқибатида 14 киши ҳалок бўлди, 20 дан кўпроқ киши жароҳат олди. Бу ҳақда The New Indian Express нашри маълум қилди.

Таъкидланишича, воқеа 12 май куни Мухед шаҳрида юз берган. Автофургондаги одамлар маҳаллий қишлоқлардан бирига тўйга кетаётган бўлганлар. Жароҳатланганлар яқин орадаги шифохоналарга етказилганлар. Улардан баъзиларининг аҳволи оғир дея баҳоланган.

Полиция йўл транспорт ҳодисаси тафсилотларини тергов қилишни бошлаган.