Автомобиль давлат рақамлари ўғрилари ушланди

Бухоро вилоятининг Ромитан туманида 2018 йил 27 март куни Мирмулло қишлоғида яшовчи Қ.С. ИИБга мурожаат қилиб, шу йил 26 март куни номаълум шахслар уйи олдида қаровсиз қолдирилган “Тойота-хайс” русумли автомашинасининг олд ва орқа томон давлат рақам белгиларини ечиб олиб кетганликларини маълум қилган. 

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
 
Кўрилган чоралар натижасида ушбу жиноятни Вобкент туманида яшовчи Ш.А. ва бирга яшовчи жияни М.Э.лар содир этганликлари аниқланиб ушланганлар.