Ўзбекистонга «Amnesty International» делегацияси келди

2018 йилнинг 21 май куни Тошкент шаҳрига «Amnesty International» халқаро ноҳукумат ташкилотининг Шарқий Европа ва Марказий Осиё бўйича минтақавий директори Мари Струтерс бошчилигидаги делегация келди. Бу ҳақда Ташқи ишлар вазирлиги хабар берган.

Ташриф давомида делегация Бош прокуратура, Олий суд, ташқи ишлар, ички ишлар, адлия, олий ва ўрта таълим вазирликлари, Ўзбекистон Республикаси Инсон ҳуқуқлари бўйича миллий маркази, Нодавлат нотижорат ташкилотлари миллий ассоциацияси, Фуқаролик жамияти шаклланишини мониторинг қилиш мустақил институтида, Олий Мажлиснинг инсон ҳуқуқлари бўйича вакили билан учрашувлар ўтказади, шунингдек, Тошкент давлат юридик университетига ташриф буюради.