Украинанинг МДҲдан чиқиши қандай оқибатларга олиб келиши айтилди

Фото: РИА Новости / Стрингер

Украина учун МДҲдан чиқиш «жуда катта» йўқотишларга олиб келиши мумкин. Бу ҳақда Rzeczpospolita ёзмоқда.

Нашр маълумотларига кўра, МДҲ давлатлари билан эркин савдо тўғрисидаги шартномани бекор қилиш «Украинани кўп миллиардли йўқотишларга олиб келади».

Экспертларнинг фикрича, Киевда «шунчаки номигагина чиқиш учун барчасини қилишади», аслида эса Украина ўзига манфаатли бўлган шартномаларга риоя қилишда давом этади.

Таъкидланишича, 2017 йилда Украина ва МДҲнинг бошқа мамлакатлари билан савдо айланмаси 16 млрд долларни ташкил этган. Шу билан бирга, бу сумманинг катта қисми Россия ҳиссасига тўғри келади.

Эслатиб ўтамиз, аввалроқ мамлакат президенти Пётр Порошенко Украина вакилларини МДҲнинг барча устав органларидан чақиртириб олганди.

Тайёрлаган: Отабек Матназаров

#Украина #МДҲ