Қозоғистон Россия бензинидан воз кечишга қарор қилди

Қозоғистон энергетика вазирлиги мамлакатга Россиядан бензин олиб кирилишини тақиқлаш ташаббусини жамоат муҳокамасига қўйди. Ҳужжат Қозоғистон ҳукуматининг порталида жойлаштирилган.  

Бензин олиб кирилишини тақиқлашни Россияда ёнилғига нархлар ошгани сабабли 3 ойлик муддатга киритиш таклиф қилинмоқда. Нефть-газ соҳасидаги таҳлилчилардан бирининг айтишича, Қозоғистонда бензин нархи Россияникига боғланган ва шу сабабли кўтарилиши мумкин. “Россияда бензин деярли бир рублга қимматлади – бу биз учун 5 тенге дегани”, деб айтган таҳлилчи.

Россияда 21 майдан 27 майгача бир ҳафта ичида бензин нархи бир рублга кўтарилиб кетган. АИ-92 бензини нархи 90 тийинга кўтарилиб, бир литри учун 42,21 рублга, АИ-95’ники эса 88 тийинга кўтарилиб, 45,5 рублга етган.