Шимолий Корея делегацияси музокаралар ўтказгани Оқ уйга келди

Фото: AP /Andrew Harnik

Шимолий Кореянинг Меҳнат партияси вакили Ким Ён Чхол бошчилигидаги КХДР делегацияси Оқ уйга етиб келди. Делегация АҚШ президенти Дональд Трампга Шимолий Корея етакчиси Ким Чен Иннинг мурожаатини етказади.

Маълум қилинишича, Ким Ён Чхоль Оқ уй ходимлари аппарати бошлиғи Жон Келли ва АҚШ президентининг миллий хавфсизлик бўйича ёрдамчиси Жон Болтон билан учрашади. Сўнгра Шимолий Корея вакилини Дональд Трамп қабул қилиши режалаштирилган.

The Washington Post нашрининг ёзишича, Шимолий Кореянинг бундай юқори лавозимдаги мансабдор шахси охирги марта АҚШга деярли 18 йил аввал келган.

Тайёрлаган: Шуҳрат Раҳимов

#АҚШ #Шимолий Корея