Instagram фаолиятида глобал носозлик кузатилди

Фото: Reuters /Dado Ruvic

Instagram ижтимоий тармоғи ишида носозлик юз берди, бундан downdetector.com портали маълумотлари дарак беряпти.

Фойдаланувчилар иловани очиб бўлмаётгани ёки янгиликлар лентасини янгилаш имкони йўқлигидан шикоят қилишмоқда. Шунингдек, ижтимоий тармоқ сайти билан боғлиқ муаммолар ҳақида хабарлар берилган. Instagram ишидаги аввалги носозлик 18 май куни юз берганди, ўшанда муаммолар янгиликлар лентасини янгилашга алоқадор бўлган.

Instagram ишида носозлик кузатилаётган ҳақида АҚШ, Янги Зеландия, Сингапур, Индонезия ва бошқа давлатлардан бўлган фойдаланувчилар хабар қилган.

Тайёрлаган: Отабек Матназаров

#ижтимоий тармоқлар #Instagram