“Навоий” эркин иқтисодий зонаси фаолиятини кенгайтириш ва Навоий вилоятида кичик саноат зоналарини ташкил этиш чора-тадбирлари тўғрисида”ги президент қарори қабул қилинди. Бу ҳақда “Ҳуқуқий ахборот” канали хабар бермоқда.
Қарорга кўра:
81 гектардан ортиқ фойдаланилмаётган ишлаб чиқариш майдонлари “Навоий” эркин иқтисодий зонаси ҳудудига киритилади;
38 гектардан ортиқ фойдаланилмаётган майдонда жойлашган давлат мулки объектлари негизида Навоий вилоятида кичик саноат зоналари ташкил этилади.
Кичик саноат зоналари (КЗС) ҳудудидаги давлат кўчмас мулки тадбиркорлик субъектларига 10 йиллик узоқ муддатли ижарага берилади ва бунда ижара тўловининг энг кам ставкаси белгиланади.
