Фото: AFP
G7 мамлакатлари етакчилари Эронни ракеталарни ишга тушириш ва бошқа "беқарорлаштирувчи" хатти-ҳаракатлардан тийилишга чақиришди, дейилади гуруҳ саммитининг якуний учрашувида.
"Эрон ракета дастурининг халқаро тинчлик ва хавфсизликка солаётган таҳдидини инобатга олиб, биз Эронни баллистик ракеталарни ишга тушириш ва БМТ Хавфсизлик Кенгашининг 2231-сонли резолюциясига мувофиқ келмайдиган ҳамда минтақага "беқарорлаштирувчи" таъсир кўрсатувчи бошқа хатти-ҳаракатлардан тийилишга чақирамиз", - дейилади ҳужжатда.
Томонлар Эрон ядровий дастури тинчлик мақсадларига эга эканига ишонч ҳосил қилмоқчи эканликлари ҳақида айтишди.
Етти давлат раҳбарлари шунингдек Эрон томонидан "терроризмнинг молиявий қўллаб-қувватланиши"ни қоралашди.
