Франция АҚШ миграция сиёсатига қарши чиқди

Франция ҳукумати расмий вакили Бенжамен Гриво маълум қилишича, Франция томони АҚШнинг миграция сиёсати масаласидаги позициясига қўшилмайди. Бу ҳақда Reuters France 2 телеканалига асосан хабар бермоқда.

Франция ҳукумати вакили Америка-Мексика чегарасида оилаларни ажратиб юбориш бўйича кузатилаётган ҳолатларига изоҳ бериб, Европада ҳам шу кузатилишини хоҳламаслиги ҳақида айтиб ўтди. Шунингдек, Гривонинг таъкидлашича, Франция маданият модели Американикидан фарқ қилади. У ўзини «Европа боласи», деб атаган.

«Мен учун Европа - бу тинчлик, фаровонлик, бўлиша олишлик, очиқлик. Менинг авлодим шуни ҳимоя қилиши керак, Европа бирдамлигини популизмдан асраш лозим», - дея хабар берди Гриво.

Аввалроқ, АҚШ президенти Дональд Трамп Қўшма Штатларда Европада кузатилаётган мигрантлар билан муаммоларни хоҳламаслиги ҳақида маълум қилганди.