Афғонистоннинг Нангарҳор вилояти маъмурий маркази ҳисобланган Жалолобод шаҳрида вилоят губернатори идораси яқинида содир этилган портлашда 17 киши ҳалок бўлди, 30 киши яраланди. Бу ҳақда 1TV телеканали маълум қилди.
Таъкидланишича, портлаш шаҳарга Афғонистон президенти Ашраф Ғани келиши арафасида содир этилган.
Айни вақтда бирорта гуруҳ ушбу портлаш учун жавобгарликни ўз зиммасига олмаган.
30 июнда Ғани “Толибон” ҳаракати билан Рамазон ойи муносабати сабаб киритилган ярашув тугагани, мамлакат қуролли кучларининг жангариларга қарши амалиётлари тикланишини маълум қилганди.