Дунёдаги энг арзон автомобил ишлаб чиқаришдан олинди

Фото: Bloomberg

Ҳиндистоннинг Tata компанияси ўзининг Tata Nano хетчбэкининг охирги нусхасини ишлаб чиқарди. Automotive News нашри маълумотларига кўра, компания автомобилларни ишлаб чиқаришни давом эттириш бефойда деган қарорга келган, чунки ушбу автомобилдан 2018 йилда бор-йўғи бир дона сотилган.

Tata Nano 2008 йилда тақдим қилинган ва 2 минг доллар нарх билан савдога чиқарилган. Машинанинг такомиллашганроқ версияси қимматроқ, бироқ 3,1 минг доллардан ошмаган нархдан сотилган. Шу сабабли машина дунёдаги энг арзон машина ҳисобланган. Компания эгаларининг тан олишича, айнан шу жиҳат автомобилнинг нуфузига салбий таъсир қилган.