Америкаликларнинг учдан бири Россияни душман деб ҳисоблайди

Америкаликларнинг ярмидан ортиғи АҚШ президенти Дональд Трампнинг Россияга нисбатан сиёсатини маъқулламайди, деб хабар берди Reuters агентлиги Ipsos тадқиқот хизмати билан биргаликда ўтказилган сўров натижаларига асосланиб.

Мингга яқин киши иштирок этган сўров Хельсинкида Дональд Трампнинг Владимир Путин билан бўлиб ўтган учрашувидан сўнг ўтказилди.

Сўралганларнинг 55 фоизи Америка президентининг Россияга нисбатан сиёсатини маъқулламайди. 37 фоиз қатнашчи эса аксинча фикрда. Маъқуллаганларнинг 71 фоизи республикачилар ва 14 фоизи демократлар.

Трампнинг Хельсинкидаги саммитда қилган чиқиши унинг оммабоплик рейтингига таъсир кўрсатмади — сўровда қатнашганларнинг 42 фоизи президент ишини қўллаб-қувватлайди.  

38 фоиз респондентлар Россия АҚШнинг душмани эканлигини таъкидлаган бўлса, сўровда қатнашганларнинг яна шунчаси уни рақиб, 8 фоизи эса дўст деб атаган.