«Пахтакор» ўйинларига жаҳон чемпионатида ишлаган хорижлик ҳакамлар тайинланди

ПФЛ Суперлига ўйинларини бошқариб бориш учун яқиндагина Россия яшил майдонларида бўлиб ўтган жаҳон чемпионати ўйинларида ишлаган рефериларни Ўзбекистонга таклиф этди.

ПФЛ сайти хабарига кўра, 19-турдан ўрин олган «Навбаҳор» — «Пахтакор» ўйинини баҳрайнлик Наваф Шукрулла бошчилигидаги ҳакамлар гуруҳи бошқариб боради. У мундиалда 2 та ўйинда ишлаган.

Шунингдек, 20-турдан ўрин олган «Пахтакор» — «Локомотив» баҳсини эронлик Алиризо Фағоний бошқаради. У жаҳон чемпионатида 4та ўйинда ишлаган.

Суперлига, 19-тур
28 июль, шанба
«Навбаҳор» — «Пахтакор» 
Бош ҳакам: Наваф Шукрулла (Баҳрайн)
Қанот ҳакамлари: Ёсир Ҳалил Иброҳим Телфат, Наваф Шаҳин Халифа (ҳар иккаласи Баҳрайн)

Суперлига, 20-тур
1 август, чоршанба
«Пахтакор» — «Локомотив» 
Бош ҳакам: Алиризо Фағоний (Эрон) 
Қанот ҳакамлари: Муҳаммадризо Мансурий, Ризо Суҳандон (ҳар иккаласи Эрон)