Американинг Лос-Анжелес шаҳрида полиция таъқибидаги жиноятчи Trader Joeʼs супермаркетлар тармоғи дўконларидан бирида мижозларни гаровга олди. Гаровдагилардан бири — дўкон ходимаси — ҳалок бўлган. Бу ҳақда матбуот анжуманида шаҳар мэри Эрик Гарсетти маълум қилган.
Ҳужум вақтида супермаркетда бўлган 6 киши шифохонага ётқизилган, уларнинг ҳаётига жиддий хавф йўқ.
Супермаркетга қуролли жиноятчи полиция таъқибидан қочатуриб кириб қолган. У автомобилини Trader Joeʼs биноси яқинида уриб олганди.
Полиция уни ўз бувиси ва яна бир аёлни ўқотар қуролдан жароҳатлаганидан кейин қуваётганди.
У супермаркетга бостириб кирганида ичкарида ходимлар ва мижозлардан иборат 50 нафарга яқин киши бор эди. Уларнинг айримлари ойна орқали чиқиб қочган, айримлари дўконнинг турли нуқталарига яширинган.
Полиция билан 3 соат давом этган музокаралардан кейин жиноятчи таслим бўлган. Полиция маълумотига кўра отишма вақтида унинг қўли жароҳатланган.
Ҳозирча ҳодисанинг бошқа тафсилотлари ошкор этилмаган, жиноятчи 28 ёшда экани маълум.