Фарғона вилоятида шафқатсиз қотиллик фош этилди

2018 йил 22 июль куни соат 02:00ларда Фарғона вилояти, Қўштепа тумани, Хўжақишлоқ МФЙда яшовчи Ф.С. яшаш уйининг олдида маҳалладоши А.Т.га тегишли «Кобальт» русумли автомашина турганлигини кўриб, у билан жанжаллашиб, танасининг бош қисми ва кўкрак қафасига тош билан бир неча маротаба уриб, қасддан ўлдирган.

Бу ҳақда Ўзбекистон Республикаси Бош прокуратураси матбуот хизмати хабар бермоқда.

Қайд этилишича, ҳозирда туман прокуратураси томонидан Ф.С.га нисбатан Ўзбекистон Республикаси Жиноят кодексининг 97-моддаси 1-қисми билан жиноят иши қўзғатилиб, тергов ҳаракатлари олиб борилмоқда.