Фото: ТАСС
Аралаш йўналиш бўйича россиялик жангчи Фёдор Емельяненко Россияга UFC ва Bellator’нинг кириб келиши бўйича ўз фикрини билдирди.
Спортчининг таъкидлашича, у Мутлақ жангчилар чемпионатида (UFC) иштирок этмаслиги ҳақиқатга яқин.
«UFC сўнгги вақтларда Россияда ҳамманинг тилига тушиб қолди, Bellator билан ҳам худди шундай вазият. Кўрамиз нима бўларкин. Россияда ўз промоушенлари ҳам бор, бироқ кўплаб одамлар UFC ҳамда Bellator’ни кутмоқда. Шахсан мен UFC ишқибози эмасман, шунинг учун, катта эҳтимол билан, у ерга бормайман», - деди у Ариэль Хельвани шоуси эфирида.
Қайд этилишича, UFC’нинг Россиядаги биринчи мусобақаси 15 сентябрь куни Москвада бўлиб ўтади.
