Вольфрам саноатини тиклаш учун IFG Capital Partners жалб этилди

Фото: natural-museum.ru

Давлат геология қўмитаси Ўзбекистон вольфрам саноатини қайта тиклаш учун IFG Capital Partners’ни жалб қилди, деб хабар беради Spot.

«IFG Capital Partners Самарқанд вилоятининг Яхтонида вольфрам конларини ўзлаштиришнинг техник-иқтисодий асосларини аниқлаш учун Ўзбекистон Геология ва минерал ресурслар давлат қўмитаси билан келишув имзолади», - дейилади хабарда.

Агар тадқиқот ижобий натижага олиб келадиган бўлса, IFG коннинг саноат ўзлаштирилишини ташкил қилади. IFG тадқиқот биринчи босқичини дарҳол бошлашни режалаштирмоқда - бу рудаларни қайта ишлаш оптимал сценарийсини аниқлаш учун мавжуд захираларни тасдиқлаш ва металлургия синовларини ўтказишга бурғилашни ўз ичига олади. Шундан кейин қайта ишлаш объекти лойиҳаси киритилади.

Яхтон - Самарқанддан 55 км жанубда, Ургут шаҳри яқинида жойлашган вольфрам кони. Бу ерда вольфрам триоксидининг катта захиралари бор, деб ҳисобланади - 20 минг тоннадан ортиқ.

«Яхтон - замонавий ишлаб чиқарувчи корхона негизида қатор паст рентабелли конларни бирлаштириш йўли билан Ўзбекистонда вольфрам кластерини яратишда биринчи қадам бўлади», - дея ҳисоблашмоқда IFG’да.

Тайёрлаган: Отабек Матназаров

#кон #геология #Вольфрам