Шакар баҳонасида 42 млн сўмга «ухлатган» шахс ушланди

Хоразм вилоятининг Урганч шаҳрида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 24 июль куни шаҳар ИИБга тушган ҳужжатларга кўра, Урганч туманида яшовчи муқаддам судланган К.М. 2015 йил ноябрь ойида Ш.А.нинг уйида шакар маҳсулотини олиб келиб беришини ваъда қилиб, 42 млн 600 минг сўм пулларини олиб,  берган ваъдасини бажармай, пулларни ўз эҳтиёжлари йўлида ишлатиб юборганлиги кўрсатилган. 

Натижада К.М. ушланган.