Ноёб касаллик оқибатида болакай териси «тошга айланди»  

АҚШнинг Колорадо штатида яшовчи 12 ёшли боланинг териси кам учрайдиган касаллик оқибатида тошдай қаттиқ бўлиб қолди. Бу ҳақда Yahoo7 News хабар бермоқда.

12 ёшли Жейден Рожерс азоб чекаётган туғма фасциал дистрофия касаллиги 1970-йиллар охирида аниқланган. Ўшандан буён бу касаллик билан 41 киши оғриган. У бутун тана бўйлаб тарқалиши натижасида тери қалин ва қаттиқ бўлиб қолади. Оқибатда бемор ҳаракатланиш қобилиятидан маҳрум бўлади ва вафот этади.

Боланинг ўгай отаси бундан беш йил аввал унинг сонида шиш борлигини пайқаб қолади. Бир неча ҳафта ичида у боланинг бутун сонини эгаллаб олади. Сўнгра чап оёғи ва қўлларига ўтади.  

Шифокорлар касаллик тарқалишини кимё терапияси ёрдамида секинлаштиришга уринишмоқда. Бундан ташқари, бола оғриқ қолдирувчи уколлар қилиниши натижасида у суткасига 18 соатлаб ухлайди.  

Боланинг ота-онаси унинг даволанишига 500 минг доллар сарфлашди. Энди улар Жейденни Европадаги клиникада даволатиш учун Gofundme краудфандинг сервиси орқали 1,5 млн доллар йиғишмоқчи.